Ef eitthvað virkar ekki eða þú hefur hugmynd, sendu ábendingu beint úr TestFlight á Apple TV. Skjámynd fylgir með.

Algeng vandamál

• Efni spilast ekki. Sumt efni má RÚV bara sýna á Íslandi. Þá þarf Apple TV að vera tengt íslenskri nettengingu.
• Rás sést ekki. RÚV 2 og RÚV 3 birtast bara þegar þær eru í loftinu, og RÚV sendir ekki út um miðja nótt.
• Þáttur hvarf. RÚV fjarlægir þætti þegar sýningarréttur rennur út.
• Stillingarnar opnast ekki. Haltu tannhjólinu eða „Breyta hlaðborðinu“ inni í 3 sekúndur.
• Skjárinn segir að sjónvarpstíminn sé búinn. Fullorðinn heldur Select inni í 3 sekúndur. Lásinn fer líka sjálfur kl. 4 að nóttu.

In English: imbinn is an unofficial Apple TV app for RÚV's streams. For help, send feedback from TestFlight on your Apple TV. Some content is only available from Icelandic internet connections.

Síðast uppfært 18. október 2026.

Appið

imbinn safnar engum persónuupplýsingum. Appið er án innskráningar, rakningar, auglýsinga og greiningartóla, og það sendir engar upplýsingar um þig eða áhorf þitt til okkar eða annarra. Eina undantekningin er Textavél, ef kveikt er á henni (sjá neðar).

Stillingar þínar, svo sem hlaðborðið, barnatíminn og hve lengi hefur verið horft í dag, eru aðeins geymdar á Apple TV-tækinu sjálfu. Þær hverfa ef appinu er eytt.

Útsendingar og efni eru sótt beint af vefþjónum RÚV, eins og þegar horft er á ruv.is. RÚV sér því IP-tölu tækisins eins og við hverja aðra heimsókn, og um það gildir persónuverndarstefna RÚV. imbinn er ekki á vegum RÚV.

Appið er gert til að börn geti notað það og safnar engum upplýsingum frá börnum.

Textavél (aðeins ef kveikt er á henni)

Textavél er slökkt nema þú kveikir á henni. Á meðan hún er í gangi sendir appið stutta búta af hljóði þáttarins, auðkenni þáttarins og handahófskenndan kóða tækisins til vefþjóns okkar. Kóðinn er ekki tengdur Apple-reikningi þínum; við vitum aðeins hver á hann ef þú sendir okkur hann. Vefþjónninn lætur þjónustuaðila breyta hljóðinu í texta og þýða hann á ensku; þeir fá aðeins hljóð og texta þáttarins, ekki kóðann. Þýðingar eru geymdar til að nýta fyrir aðra áhorfendur og eru ekki tengdar þér. Vefþjónninn skráir hve margar mínútur hver kóði hefur notað, og á hvaða þáttum, til að halda utan um tímann. Eins og við allar nettengingar sér hýsingaraðilinn IP-tölu tækisins. Ekkert er sent þegar slökkt er á Textavél. Viltu láta eyða skráningu kóðans þíns? Sendu kóðann sem ábendingu úr TestFlight.

Prófun í TestFlight

Í prófunarútgáfu deilir Apple með okkur nafni og netfangi prófara, og hruntilkynningum og ábendingum sem prófarar kjósa sjálfir að senda. Það er unnið samkvæmt skilmálum Apple fyrir TestFlight og aðeins notað til að laga og bæta appið.

Samband

Spurningar um persónuvernd má senda sem ábendingu úr TestFlight.